永遠不會輸的人

我有個朋友，說了廿多年廢話只有一句好精警的說話至今我仍記得: 「大市跌咩？ 唔緊要！只要我一日未賣我一日都唔叫輸！ 今日點知聽日事，我就同佢鬥長命！」她跟我說這個道理變應萬化，其中一個例子，就是在四方城上， 「喂，你牌面都輸哂啦，呢鋪仲咁搏做咩！」「你錯喇！一日鋪牌未打完我都唔算輸！ 就算呢鋪真係羸唔到，一日未埋單一日都唔知邊個輸！」

嘩, 想真, 如果這個理論應用在人生, 又好像蠻勵志，我直情覺得「一日未埋單一日都不算輸」這句說話可以與「失敗乃成功之媽媽」平頭。即是，只要一日我未死，所有經歷的所謂「失敗」所謂的「輸」其實都不是真正的失敗，真正的輸，因為只要我一日未埋單，都沒有人知道今天的「失敗」會否做成明天的「成功」，這樣計人生好像並沒有真正的「輸」。這一局你覺得洩底了給下家，下一局你自然會小心出沖；今次你貪心高位唔賣，雖然你下次都會再貪心再高位唔賣，但不緊要啦，只要你一日未埋單，你都會覺得一日都一位還有一位高！
如是者人生第一個虛「輸」你睇化點，另一個虛「輸」又睇化一點，
到一日你真真正要要「埋單」的時候，
噢
一切輸羸都沒關係了。




嘩，說到這裡就開始有點「失敗乃成功之媽媽」的娘味。（連張相都好娘，但唔娘，又點表達到「跌落地拿返柞沙」之味）